Në Malishevë këtë vit nuk është shënuar asnjë rast i vdekjes nga ethet hemorragjike. Kryetari i Malishevës, Ragip Begaj, ka falënderuar sot të gjithë ata që janë angazhuar në fushatën e parandalimit të etheve hemorragjike.
“Këtë vit nuk kemi asnjë rast të vdekjeve nga ethet hemorragjike krime kongo, së paku deri më sot dhe unë i falënderoj të gjithë ata që kanë qenë të angazhuar në fushatat për luftimin dhe parandalimin e etheve hemorragjike krime kongo (EHKK)”, tha Begaj.
Drejtori i Shëndetësisë, Hajdin Berisha, tha ndërkaq se situata në Malishevë është shumë .
“Pavarësisht numrit të rasteve të thumbuar nga rriqrat, përveç që s’kemi asnjë rast të vdekur këtë vit. Momentalisht situata është shumë e mirë dhe nuk kemi asnjë rast të infektuar apo që është duke u trajtuar në klinikën infektive të QKUK-së”, tha ai.
“Por pavarësisht kësaj ne do të vazhdojmë të jemi në përcjellje të vazhdueshme të situatës dhe shpresoj të mos kemi as raste tjera të infektuara me EHKK”./PrizrenPress.com/