13.8 C
Prizren
E shtunë, 2 Mars, 2024

Latifi pret në takim dy nga 13 të mbijetuarit e masakrës së 31 marsit në Pastasel

Kryetari i Komunës së Rahovecit, Smajl Latifi, ka pritur sot në takim dy nga trembëdhjetë të mbijetuarit e Masakrës së 31 marsit në Pastasel, Tahir Krasniqin dhe Beqir Krasniqin.

“Atë ditë kur forcat barbare serbe ekzekutuan dhe masakruan 106 qytetarë shqiptarë të moshave të ndryshme e të të dy gjinive, këtyre dy burrave vetëm një fije e hollë u ndante jetën nga vdekja, vdekje të cilën e panë me sy, por, për fatin e tyre të mirë shpëtuan për tu bërë rrëfimtarë dhe dëshmitarë të gjallë të atij tmerri”, ka shkruar Latifi në llogarinë e vet në “Facebook”.

Ai ka shtuar se Tahir Krasniqi dhe Beqir Krasniqi dëshmuan kudo për masakrën e 31 marsit. “Dëshmuan edhe në Tribunalin Ndërkombëtar për Krime Lufte në ish Jugosllavi në Hagë, duke rrëfyer tmerret dhe krimet që ata panë me sytë e tyre, për të vënë dritë mbi gjenocidin shtetëror serb nën udhëheqjen e diktatorit dhe kriminelit Sllobodan Millosheviq, të kryer mbi popullatën shqiptare, kudo”, ka thënë Latifi.

May be an image of 3 people and people standing

Postimi i plotë i tij:

Sot, prita në zyrën time dy nga trembëdhjetë të mbijetuarit e Masakrës së 31 marsit në Pastasel, Tahir Krasniqin dhe Beqir Krasniqin. Atë ditë kur forcat barbare serbe ekzekutuan dhe masakruan 106 qytetarë shqiptarë të moshave të ndryshme e të të dy gjinive, këtyre dy burrave vetëm një fije e hollë u ndante jetën nga vdekja, vdekje të cilën e panë me sy, por, për fatin e tyre të mirë shpëtuan për tu bërë rrëfimtarë dhe dëshmitarë të gjallë të atij tmerri.
Tahir Krasniqi dhe Beqir Krasniqi dëshmuan kudo për Masakrën e 31 marsit, dëshmuan edhe në Tribunalin Ndërkombëtar për Krime Lufte në ish Jugosllavi në Hagë, duke rrëfyer tmerret dhe krimet që ata panë me sytë e tyre, për të vënë dritë mbi gjenocidin shtetëror serb nën udhëheqjen e diktatorit dhe kriminelit Sllobodan Millosheviq, të kryer mbi popullatën shqiptare, kudo.
Ndonëse mes shumë vuajtjesh dhe dhimbjesh këta me forcën e tyre na treguan që jeta e re vazhdon edhe të ngrihesh mes vdekjesh nuk është e lehtë, por, nuk është as e pamundur.
Me përkushtimin tim më të madh si kryetar komune, sot, në shenjë respekti për gjithë atë çka këta përjetuan, u ndava mirënjohje me motivacion: “Për mundin, sakrificën dhe dëshmitë e luftës paraqitur edhe para Tribunalit Ndërkombëtar të Krimeve të Luftës në Hagë, për zbardhjen e krimeve serbe”.
U uroj shëndet të plotë dhe jetë të gjatë, bacës Beqir dhe bacës Tahir, bashkë me familjet e tyre!

May be an image of 5 people, people sitting, people standing and indoor

Më Shumë

Ballkani ndalet me barazim nga Gjilani

Ballkani është ndalur në barazim nga Gjilani me rezultat 1-1, në kuadër të xhiros së 22-të në Superligën e Kosovës. Të parët në epërsi kaluan...

Gjendet një mjet i pashpërthyer në Malishevë

Një burrë ka raportuar në polici se derisa ishte duke punuar në fushë, kishte hapur në një mjet të dyshimtë, të pashpërthyer.   Rasti ka ndodhur...

Lajmet e Fundit