7.8 C
Prizren
E enjte, 8 Dhjetor, 2022

Latifi takon ministren Hajdari, flasin për investimet në Parkun Industrial në Opterushë

Kryetari i Komunës së Rahovecit, Smajl Latifi, është takuar me ministren e Industrisë, Ndërmarrësisë dhe Tregtisë, Rozeta Hajdari, me të cilën ka biseduar për investimet në Zonën Ekonomike – Parkun Industrial në Opterushë.

“Nga ministrja Hajdari mora konfirmimin se MINT do ta përkrahë me 1, 5 milionë euro këtë projekt të rëndësishëm për biznese, zhvillim ekonomik dhe punësim. Pra, sipas marrëveshjes së mirëkuptimit për bashkëfinancim të nënshkruar me MINT, MINT përkrah me 1, 5 milionë euro, ndërsa komuna e Rahovecit me 300 mijë euro. Ky investim kap vlerën, gjithsej: 1, 8 milionë euro”, ka thënë kryetari Latifi.

Ai ka theksuar se investimet në këtë zonë agro-industriale janë të një rëndësie të veçantë.

“Falënderojmë MINT dhe KIESA si dhe ministren Rozeta Hajdari, për gatishmërinë dhe përkrahjen e dhënë për të plotësuar synimin tonë të kamotshëm. Komuna e Rahovecit është zonë e rëndësishme ekonomike, agrare dhe industriale, e cila sjell përfitime financiare për qytetarët tanë si dhe për buxhetin e Republikës së Kosovës. Prandaj, konsiderojmë se investimet në zonën ekonomike – Parkun Industrial në Opterushë, janë hap i rëndësishëm për ekonominë e vendit tonë në përgjithësi”, ka thënë Latifi.

Më Shumë

Ndërron jetë një person në Korishë të Prizrenit, policia nis hetimet

Një person ka ndërruar jetë në fshatin Korishë të Prizrenit. Rasti ka ndodhur dje rreth orës 13:45. Sipas raportit të policisë, thuhet se pas përkeqësimit...

Sokol Halili, i dyshuari për vrasjen e gruas shtatzënë ka vrarë veten

Ministri i Punëve të Brendshme, Xhelal Sveçla ka bërë të ditur se pas një pune intensive të të gjitha njësiteve të Policisë së Kosovës...

Moti për sot

Lajmet e Fundit