Shkruan: Abdullah V. Thaçi
Kur Vetëvendosje ofrojë alternativën për krijimin e këtij “Blloku” të famshëm, treshja e liderëve e njohur si LAN menjëherë ndau edhe poste udhëheqëse institucionale.
Jo rastësisht, duke i njohur apetitet, Ramushit ju nda posti i kryeministrit .! Kjo me vet faktin ndarjen e përjetshme të afërsisë dhe më vonë kthimin e miqësisë në armiqësi në mes PDK-së dhe AAK-së. Ky qëllim me kohë u arrit, deklaratat dhe goditjet direke të Ramushit dhe lidershipit të AAK-së kundër PDK-së dhe vet Hashim Thaçit shkuan duke u rritur, deri në nivelin kur Hashimi u quajt edhe “monstrum” .Kur u vërtetua se këto deklarata ishin dëshmi e mjaftueshme se Ramushi dhe Hashimi përgjithmonë i kanë të ndara rrugët politike, më shumë se vendimet e gjykatës politike të Enver Hasanit, e bënë të sigurt lojën e një skenari krejt të pa moralshëm.
Personalisht, në momentin e krijimit të bllokut, nga LDK-ja nuk isha i kënaqur me dhënien e postit të kryeministrit, për herë të dytë, Ramush Haradinajt. Por, pasi që momenti ishte historik, duke e njohur Ramushin se pa këtë post as që do të pranonte rreshtin krah bllokut, edhe u pajtova.
Duke qenë aktiv në politikë, jo çdo herë vendimi dhe vullneti politikë duhet të përputhen mes vete. Duke qenë kështu, bazuar në qëllimin e formimit të vet bllokut, fuqishëm gjatë gjithë këtyre muajve, si shumica e qytetarëve të vendit, e mbështeta konceptin e këtij blloku .
Sot, kur jemi në rrethana të reja, normal që blloku ka nevojë për ri formulim të marrëveshjes, por assesi të mos ndryshohen pozicionet udhëheqëse. Edhe në rrethanat e reja ku Isa Mustafa nuk do të ketë mundësin të jetë spiker kuvendi, për qëllimin madhor dhe nevojën për ndryshim pushteti që ka Kosova, kjo lehtësisht dhe mençur duhet të tejkalohet nga LDK-ja.
Blloku ka mundësi të shumta që të harmonizojë qëllimet e veta strategjike afat gjate. Ky mandat edhe ashtu nuk duhet të jetë më i gjatë se dy vite, pra diku deri ne 2016. Deri atëherë kur presidentes Atifete Jahjaga i skadon mandati, e kur edhe zyrtarisht ajo anëtarësohet në PDK . Në atë kohë qeveria e bllokut duhet të vet shkarkojë vetën, dhe LDK dhe AAK më pastaj të hynë në një listë të përbashkët zgjedhore, ku Ramushi nga pozita e kryeministrit, tani më rrethana të reja, duhet të kalojë në postin e Presidentit të Kosovës ndërsa LDK-së ti takojë mandati I plotë i kryeministrit në qeverinë 2016-2020 .
Nëse kjo nuk do të realizohet këtë herë, atëherë një gjë është e vërtetë e hidhur, do të kemi koalicion mafioz PDK-LDK. E ku LDK në një koalicion me PDK, në këto rrethana e ka të sigurt se do të shkojë drejtë zhbërjes.
Pavarësisht se Vetëvendosje, AAK dhe NISMA do të ngelin në opozitë, ato një gjë e kanë të sigurt, do të fitojnë simpatinë e popullit të Kosovës .
Unë dëshirojë që LDK me as një çmim të mos hy në koalicion me PDK-në, të rrijë aty ku është brenda bllokut, ta rishqyrtojë marrëveshjen strategjike, nga e cila ajo si parti politike do ta forcojë të ardhmen afatgjate politike.