Lidhja Demokratike e Kosovës në Prizren ka kritikuar partinë në pushtet për përfshirjen e drejtorëve të shkollave në parafushatën zgjedhore.
Reagimi i plotë:
Drejtorët e shkollave në fushatë politike të PDK-së
Kemi thënë nëpër konferenca për shtyp se Shaqir Totaj po i rekruton njerëzit e tij (të PDK-së) si drejtorë shkollash në Komunën e Prizrenit dhe një gjë e tillë po shpërfaqet në këto ditë të parafushatës zgjedhore.
Adelina Beqiri, Ibish Shatri, Lumnije Rakaj dhe Vlora Karavidaj shihen drejtpërdrejt në aktivitete politike të aktivistëve të PDK-së, jashtë çdo logjike politike, sepse ata jo vetëm që kanë kaluar vite që kanë qenë në kryesi, por po e dëshmojnë se janë aktivë në politikë.
Sa më shumë që do të intensifikohet fushata, më shumë do të shohim drejtorë shkollash të angazhuar në fushatë, të cilët pa asnjë pikë turpi shfaqen në aktivitete partiake për të dëshmuar servilitetin ndaj pushtetit të PDK-së.
Apo ka qenë retorikë e thatë e pushtetarëve se drejtorët nuk janë politikë, sepse po dëshmohet se janë krejtësisht politikë.
I bëjmë thirrje KQZ-së që të mos i lejojë këta drejtorë të jenë menaxherë në Qendrat e Votimit. Drejtorët e shkollave që marrin pjesë në tubimet e partive politike, dyshojmë se mund të ndikojnë drejtpërdrejt në zgjedhje.
Marketing
