Gara për të zëvendësuar Eqrem Kryeziun ka filluar sot në Prizren. Haki Rugova e Teuta Sahatçia,Gazmend Muhaxheri, Muharrem Svarça dhe Sali Morina,kanë takuar anëtarët e Kryesisë dhe përfaqësuesit e Nëndegëve të LDK-së së Prizrenit.
“Këto zgjedhje nuk janë të jashtëzakonshme. Jemi të vetëdijshëm të gjithë se pa një degë të organizuar në Prizren,ky subjekt politik nuk mundet të fitojë zgjedhjet në nivel nacional”, tha Rugova.
Nënkryetarja Teuta Sahatçia,tha se nga “ky proces pritjet janë që të kemi zgjedhje transparente dhe në shërbim të konsolidimit të plotë të këtij subjekti politik jo vetëm në Prizren”.
Nënkryetari i Degës së LDK-së në Prizren,Haziz Hodaj,tha se fal edhe përkushtimit nga Qendra,ky proces zgjedhor do të përshkruhet me një mbarëvajtje të suksesshme për këtë organizëm politik”,transmeton TVPZ.
I gjithë procesi zgjedhor brendapartiak në LDK-në e Prizrenit pritet të përfundojë deri më datën 5 tetor,ndërsa për postin e të parit të partisë pas dorëheqjes së Eqrem Kryeziut pritet një garë e fortë ndërmjet Ridvan Hoxhës,Hanerfi Muharremit,Haxhi Avdylit dhe Xhavit Ukaj/PrizrenPress.com/