Lidhja Demokratike e Kosovës (LDK) në Prizren, pritet të dalë me një qëndrim zyrtar për zgjedhjen e drejtorëve të rinj të shkollave.
Takimi i Kryesisë së Degës, mbahet nesër.
Kryetari i Degës, Haxhi Avdyli, ka konfirmuar mbajtjen e takimit, ndonëse nuk ka pranuar të flasë për këtë çështje.
“Nesër e kemi një takim dhe do të marrim një qëndrim”, tha Avdyli për “PrizrenPress” .
Drejtoria e Arsimit në Prizren, ka publikuar listën me emra të drejtorëve të rinj të shkollave.
Kjo listë është kundërshtuar nga disa kuvendarë të LDK-së dhe VV-së.
Këshilltari i LDK-së në Prizren, Haziz Hodaj dhe Petrit Hoxhaj kanë shprehur zhgënjimin e tyre, ndaj drejtorit të Arsimit , Skënder Susuri.
E zhgënjyer është shprehur edhe kuvendarja e VV-së, Mimoza Bushrani.
Përfaqësuesit e shoqërisë civile, në raportin e tyre, kanë treguar ndërkaq se procesi i zgjedhjes së drejtorëve të rinj është përcjellë me mungesë të transparencës.
Drejtori i Arsimit në Prizren, Skënder Susuri tha se “zërat kundërshtues, nuk po ofrojnë argumente”.
“Ata që po flasin e kanë hallin që të afrimit e tyre nuk janë zgjedhur”, ka thënë Susuri./PrizrenPress.com/