Lidhja Demokratike e Kosovës (LDK), si partia më e madhe e koalicionit LVAN, do ta kërkojë me konsensus pozitën e kryeministrit. Nëse kjo nuk do t’u sigurohet atyre pas konstituimit të kuvendit, ata nuk do ta prishin koalicionin paszgjedhor.
Deputeti i LDK-së, Sadri Ferati, thotë për lajmi.net se LDK është duke e shikuar mundësinë që të ulen me partnerët e koalicionit për t’i diskutuar hapat e mëtutjeshëm. Ndërsa, thotë se për marrëveshjen që ua siguron atyre pozitën e kryeministrit, presin ta kenë pajtimin edhe të partive tjera të bllokut.
“Nuk do ta prishim koalicionin në rast të ndonjë papajtueshmërie midis nesh. Besoj se aty do të merremi vesh me konsensus”, tha Ferati. /Lajmi/