Ka kaluar afati prej 45 ditësh që Zyra e Prokurimit në Qendrën Klinike Universitare të Kosovës (QKUK) i kishte dhënë kompanisë “Ledi med” për të sjellë gypat për dy CT-të e Klinikës së Radiologjisë.
Me gjithë këtë kusht të vënë, kjo kompani nuk i ka sjellë ende këta gypa.
CT-ja 64-shtresore është jashtë funksionit për më shumë se një vit, ndërsa CT-ja gjashtështresore jofunksionale është qe dy vjet.
Në mungesë të këtij shërbimi në QKUK, pacientët janë të detyruar që ekzaminimet t’i kryejnë në institucione private shëndetësore, madje edhe jashtë vendit…/Koha Ditore/