Kryetari i Nismës për Kosovë, Fatmir Limaj nuk dyshon në fitore. Ai tha se Nisma, pas 8 qershorit, do të jetë çelësi që do të përcakojë qeverinë e ardhshme të Kosovës.
“Nisma për Kosovë do të jetë çelësi kryesor që do të përcaktojë qeverisjen e ardhshme të Kosovës”, tha Limaj për TV ‘Besa’.
Ai tha se Nisma është duke marrë mbështetje të fuqishme kudo në Kosovë.
“Qytetarët e Prizrenit dhe të qyteteve të tjera të Kosovës në mënyrë masive po i bashkohen Nismës për Kosovë. Ky masivitet tregon qartë se qytetarët e këtij vendi janë për ndryshim”, tha Limaj. /PrizrenPress.com/