Inteligjenca e KFOR-it i ka bërë një profil ish-shefit të ShIK-ut, Kadri Veseli. Atë e lidh direkt në shumë veprime të paligjshme, shkruan Koha Ditore.
E përshkruan si inteligjent, elegant, por të lidhur ngushtë me njerëz që biznes kryesor kanë drogën, si Ismet Osmani, i njohur si “Curri”.
KFOR-i thotë se ShIK-u kishte një listë prej 40 anëtarësh të LDK-së që duhej “hequr qafe”.
Ndikim të madh në ShIK kishte edhe ShISh-i, që kishte bërë një plan operativ të veprimit në Kosovë.
Gjithë këtë plan e kishte siguruar KFOR-i. Ai parashihte ndjekjen e njerëzve në çdo vend e skutë./Koha Ditore/