Olimpique Marseille-Lazio, një përballje e veçantë në Europa League sidomos për Lorik Canën, emblemën kuqezi, që në karrierën e tij ka lënë gjurmë te të dyja skuadrat që do të përplasen në Velodrome. Është e pashmangshme prania e tij në sfida të tillë, por edhe interesimi i mediave për një lojtar që ka ditur të lërë kujtime të bukur si në Marsejë ashtu edhe në Romë.
Olimpique Marseille-Lazio? Unë jam dhe do të mbetem një mbështetës i flaktë i Olimpique Marseille.
Gjithsesi, kujtimet të paharrueshme ka edhe nga Parisi, aty ku nisi karrierën si futbollist.
Në Paris mbërrita në vitin 2000, kur isha ende një djalë i ri. Me PSG debutova në futbollin profesionist. Qëndrova për tre sezone në ekipin e parë dhe fitova trofenë tim të parë, Kupën e Francës. Jam ende shumë i lidhur me këtë klub, edhe pse shumë njerëz nuk më kanë falur kurrë për transferimin tim te Marseille në vitin 2005.”
Cana u pyet edhe për përballjen mes PSG dhe Napolit në Champions.
“Është shumë e vështirë të marrësh rezultat pozitiv në “Parc des Princes”. Neymar me shokë janë të fiksuar pas Championsit, por edhe Napoli i Ancelottit është shumë i fortë dhe ka treguar se mund të marrë rezultat të mirë. Gjithsesi, PSG dhe Liverpooli mbeten skuadrat favorite për të kaluar grupin, por mund të ndodhë gjithçka.”
Ish-kapiteni legjendar zbuloi një detaj interesant për ta ardhmen e tij, që sigurisht ka lidhje me futbollin.
“Kam nisur negociatat për blerjen e një klubi, kështu që nuk mund të flas për të ende. Ky është një klub që nuk është pjesë e njërës nga pesë ligat më të mëdha europiane, por do të jetë një vend i mirë për të krijuar përvojë. Më duhet të shoh nëse e pëlqej, nëse ndjehem mirë në këtë rol dhe nëse mund të mendoj të shkoj në një klub më të madh. Më tepër synoj drejtimin sportiv, ose në përgjithësi drejtimin e përgjithshëm. Për të stërvitur, kurrë nuk më ka tërhequr. Drejtimi, me të vërtetë që më intereson.”