16.8 C
Prizren
E mërkurë, 27 Shtator, 2023

LPK bashkohet me Lëvizjen Vetëvendosje!

LPK-LVV7-23Lëvizja Popullore e Kosovës iu bashkua sot Lëvizjes Vetëvendosje. Lideri i Vetëvendosjes, Albin Kurti tha se duke u bashkuar më këtë subjekt, do të forcohen, duke u shtuar radhët për tu angazhuar në të mirë të popullit të Kosovës. Përfaqësues të LPK-së, thanë se bashkimi me Vetëvendosjen, në zgjedhjet e ardhshme do të ndryshojnë rrjedhën politike, ekonomike e shoqërore në vend.

Duke bërë publike bashkimin e Lëvizjes Popullore të Kosovës me Lëvizjen Vetëvendosje, kryetari i Vetëvendosjes Albin Kurti, tha se tashmë do të krijohet komisioni i përkohshëm të përbërë nga përfaqësues të dy subjekteve, që do të merret me bashkimin e anëtarësisë dhe strukturave të LPK-së brenda Lëvizjes Vetëvendosje.

Pavarësisht se LPK është një subjekt i vogël politik, lideri i Vetëvendosjes Kurti tha se LPK gëzon respektin e gjithë popullit shqiptar, pasi është simboli i përpjekjeve dhe sakrificave të popullit për liri e barazi, drejtësi e bashkim kombëtar. “Askush nuk mund t’i kuptojë dhe shpjegojnë tri luftërat e ushtrive çlirimtare shqiptare, pa LPK-në”, tha Kurti.

Ndërsa përfaqësuesi i Lëvizjes Popullore të Kosovës, Azem Zekaj, tha se LPK-ja ka vendosur të bashkohet me Lëvizjen Vetëvendosje, duke parë angazhimet e saj në skenën politike të Kosovës dhe situatën e rëndë në vend.

Ndërkaq, nënkryetarja e Lëvizjes Vetëvendosje, Aida Derguti tha se Bashkimi i lëvizjeve është mundësi e takimit të brezave të veprimtarëve, përvojës, diturisë dhe aktivizmit politik për të njëjtën kauzë. Kjo hap rrugë për realizimin e qëllimit që shqiptarët për më shumë se një shekull aspirojnë dhe na bind se vetëm bashkë është e mundshme.

Kurse nënkryetari tjetër i LVV-së, Shpend Ahmeti tha se “është e domosdoshme që përmes këtij bashkimi të sotëm mes VETËVENDOSJE!-s dhe LPK-së t’ua bëjmë edhe njëherë një thirrje të gjitha organizatave politike e shoqërore që është momenti i fundit që të bashkohemi në një fron për ta ndalur të keqen në Kosovës dhe për t’i çuar deri në fund aspiratat e të gjitha brezave para nesh, sepse këtë ia kemi borxh të gjithë atyre që kanë sakrifikuar që ne sot ta gëzojmë shtetin e Kosovës. Çka është më me rëndësi, ia kemi borxh edhe gjeneratës së ardhshme se çka do t’i lëmë pas”. /PrizrenPress.com/

Italia do të prodhojë së bashku me Britaninë dhe Japoninë, aeroplanë të rinj luftarakë

Italia ka njoftuar se do të jetë partner i barabartë në programin luftarak të gjeneratës së ardhshme me Britaninë e Madhe dhe Japoninë, pasi...

Jasharaj: Ka nevojë për më shumë inspektorë, jo për testim të mësimdhënësve

Kryetari i Sindikatës së Bashkuar të Arsimit Shkencës dhe Kulturës (SBAShK), Rrahman Jashraj, ka thënë se ata arsyeshëm e me plot argumente i kanë...

Lajmet e Fundit