Koalicioni AAK-LDD në Prizren është përcaktuar për emrat e drejtorëve të Qeverisë “Muja III”. Lulëzim Kabashi është caktuar nënkryetar i Komunës së Prizrenit.
Drejtor i Administratës do të jetë, Ilir Baldedaj, i Drejtorisë së Zhvillimit Ekonomik dhe Turizmit, Mensur Bytyçi, ndërsa Pal Geci, drejtor i Drejtorisë së Bujqësisë.
Ilir Baldedaj ka konfirmuar se është caktuar drejtor i Drejtorisë së Administratës.
” Emërimi ynë është bërë me vota të fsheta”, tha Baldedaj për “PrizrenPress”.
Ai tregoi se tre emrat janë propozuar nga kryesitë e të dya partive politike. “Ne nuk kemi pasur të drejtë vote. Konfirmimin e mbështetjes sapo e kam marrë edhe zyrtarisht”.
Qeveria “MujaIII”, pritet të formohet nesër në seancën e Asamblesë Komunale. /PrizrenPress.com/