5.8 C
Prizren
E shtunë, 26 Nëntor, 2022

Mali i Zi tërhiqet nga Eurovisioni 2023

Mali i Zi nuk do të marrë pjesë në vitin e ardhshëm në “Eurovision Song Contest”.

Kështu ka njoftuar televizioni publik i këtij vendi, që e ka edhe të drejtën e dërgimit të këngës përfaqësuese në garën e madhe të muzikës evropiane.

Radiotelevizioni i Malit të Zi deklaroi se pas shqyrtimit të burimeve në dispozicion, kostove të të gjithë projektit dhe detyrimeve që transmetuesi publik pret për në periudhën në vijim, është marrë vendim që ky shtet të mos marrë pjesë në Eurovision.

“Përveç kostove të konsiderueshme të tarifave të regjistrimit, si dhe kostos së qëndrimit në Britaninë e Madhe – u përballëm edhe me mungesë interesi nga sponsorët”, deklaroi RTMZ në një komunikatë për media.

“Ndaj vendosëm të drejtojmë burimet ekzistuese në financimin e projekteve kombëtare aktuale dhe të planifikuara dhe organizative si edhe në reforma programore, të cilat sjellin projekte të rëndësishme investimi në pajisje dhe ambiente”.

Festivali evropian i këngës që mbahet në muajin maj 2023, këtë vit do të mbahet në Liverpool të Britanisë së Madhe.

Kënga përfaqësuese e këtij shteti u radhit e dyta në Eurovisionin 2022, pasi vendin e parë e zuri kënga përfaqësuese e Ukrainës.

Tradicionalisht, në vitin pasues, festivali mbahet në vendin që ka fituar garën, por për shkak të agresionit rus mbi Ukrainën dhe luftës që ka shpërthyer atje, festivali mbahet në shtetin që është radhitur i dyti në garë.

Më Shumë

E dashura e Kanye West, Juliana Nalu nuk lë vend për imagjinatë në veshjen me rrjetë

E dashura e re e Kanye West, Juliana Nalu, i la pak vend imagjinatës të dielën (20 nëntor), teksa doli për të festuar me...

Detaje të reja nga aksidenti me fatalitet në Prizren

Aksident me fatalitet është regjistruar në orët e para të mëngjesit të së mërkurës në Prizren, ku një këmbësore është goditur për vdekje nga...

Lajmet e Fundit