Sot nën organizimin e Institucionit Nacional “Muzeu i Gjuhës Shqipe” në Manastir, me rastin e 7 Marsit – Ditës së Mësuesit, në një tribunë shkencore u përkujtua 120 vjetori i vdekjes së mësuesit Gjerasim Qiriazi.
Drejtori i muzeut Gazmend Hoxhaj, uroi të gjithë mësuesve shqiptarë 7 Marsin, dhe theksoi se këtë vit për herë të parë në mënyrë institucionale shënohet kjo ditë e madhe në Manastir, dhe përkujtohet një nga pishtarët e arsimit shqip, Gjerasim Qiriazi.
Ndërsa Drejtori i Instituti i Trashëgimisë Shpirtërore e Kulturore të Shqiptarëve në Shkup Shefqet Zekolli, foli për rëndësinë e kësaj date për historinë tonë kombëtare, duke theksuar kontributin e madh të familjes Qiriazi në ngritjen e arsimit shqip.
Përmes aktivitete shkencore, kulturore dhe kombëtare, ITSHKSH vazhdon të jetë një përkrahëse besnike e “Muzeut të Gjuhës Shqipe” në Manastir, si një institucion i cili dita-ditës po vazhdon të afirmohet dhe konsolidohet.
Gjithashtu janë organizuar aktivitete edhe në të gjitha shkollat fillore të komunës së Gostivarit për të shënuar 7 Marsin, Ditën e Mësuesit Shqiptar.
Nxënësit dhe mësimdhënësit e shkollës “Përparimi” në Çegran, kishin përgatitur program kulturor dhe artistik.
Në manifestim morën pjesë stafi i shkollës me në krye drejtorin Lulzim Zeqirin, Shefin e Kabinetit të kryetarit të komunës së Gostivarit, Bashkim Hasani, përgjegjësi i Arsimit në komunë, Qeramedin Selimi si dhe një numër i madh i nxënësve, mësimdhënësve dhe veteranëve të arsimit