Sadio Mane është lojtari më i ri i Bayern Munich. Senegalezi ditën e djeshme kreu vizitat mjeksore te bavarezët.
Anësori shpjegoi dhe pse mori vendimin për t’u larguar nga Liverpool-i në drejtim të kampionëve të Bundesliga-s.
“Jeta ime ka qenë gjithmonë një sfidë. Kur agjenti im më tha për herë të parë për interesimin e Bayern Munich, u emocionova menjëherë”, theksoi Mane.
“E pashë veten aty menjëherë. Për mua, ishte klubi i duhur në kohën e duhur”.
“Është një nga klubet më të mëdha në botë dhe ekipi gjithmonë lufton për të gjithë titujt. Për mua, kjo është arsyeja pse ishte një ide shumë e mirë dhe vendimi i duhur të vija këtu”.
“E gjeta veten në planin e Bayern-it më shumë se kushdo tjetër”, përfundoi Mane.
30-vjeçari u bë pjesë e Liverpool-it gjashtë sezone më parë nga Southampton-i. Me të kuqtë ai realizoi 269 paraqitje, 120 gola dhe 48 asiste.
/Albanianpost.com