Karitas Kosova do të mbështes një ndër projektet më të rëndësishme që ka drejtoria e arsimit në Prizrenit, atë të promovimit të gjithëpërfshirjes në këtë sektor.
Drejtori i arsimit në Prizren , Skender Susuri, të mërkurën ka arritur edhe një marrëveshje të rëndësishme për zhvillimin e këtij sektori me Karitas Kosova.
Koordinatori i projektit pranë kësaj organizate për promovimin e gjithëpërfshirjes në sektorin e arsimit, Arben Feka, tha se qëllimi i këtij projekti është aftësimi i praktikantëve dhe angazhimi i psikologëve në shkollat e Prizrenit.
Në anën tjetër, kësaj marrëveshje i është gëzuar pa masë drejtori komunal i arsimit, Skender Susuri, i cili tha se pikërisht kjo çështje ka qenë ndër shtytëset kryesore që ai të pranoj postin e drejtorit të këtij dikasteri.
Ky projekt tejet i rëndësishëm për këtë sektor në shkollat e Prizrenit, pritet të implementohet nga fillimi i vitit të ri shkollor 2018-2019./tvprizreni.com/