Sulmuesi Kylian Mbappe do të qëndrojë edhe për një tjetër edicion te Paris Saint-Germain.
Mediumi francez “Le Parisien” raporton se Mbappe ka vendosur përfundimisht të mos largohet këtë verë dhe e ka informuar PSG-në lidhur me këtë vendim.
Raporti shton se Mbappe është takuar ballë për ballë me Nasser Al Khelaifin, ku e njoftoi se asgjë s’ka ndryshuar dhe dëshiron të qëndrojë edhe për një vit.
Francezi gjithashtu e ka thënë Al Khealifit se ndihet i ‘tradhtuar’ nga klubi shkaku i projektit që i është premtuar, më saktësisht ardhjes së Bernardo Silvas dhe Robert Lewandowskit, që PSG i kishte parë si ‘punë e kryer’.
Al Khealifi gjithashtu e informoi lojtarin se nëse qëndron pa rinovuar kontratën, atëherë nuk do të ketë minutazhën më të madhe si dhe mund të mos i lejohet pjesëmarrja në Olimpiadë në Paris 2024, që është dëshira savjeçare e futbollistit.
PSG veçse ka yjet për t’u mos u mbështetur më te Mbappe, shkaku që transferuan Gonçalo Ramos, Ousmane Dembele, Marco Asensio, Kang-in Lee si dhe janë afër blerjes së Kolo Mouanit nga Eintracht Frankfurtit.
Tani mbetet të shihet nëse PSG do ta pranojë këtë vendim të lojtarit, pasi haptas kanë thënë se nuk është opsion që Mbappe të qëndrojë për një vit dhe t’iu ikë si agjent i lirë.
PSG vazhdon të besojë se francezi ka marrëveshje në parim me Real Madridin për vitin 2024.