28.8 C
Prizren
E diel, 14 Korrik, 2024

MAShTI do t’i ndajë nga 80 euro për blerjen e librave, nga nesër fton prindërit për aplikim

Ministrja e Arsimit, Shkencës, Teknologjisë dhe Inovacionit (MAShTI), Arbërie Nagavci, ka bërë të ditur se prindërit nga e premtja mund të aplikojnë për subvencionimin e teksteve shkollore.

Ajo ka njoftuar se do të ndahen nga 80 euro për blerjen e librave për nxënësit nga klasa e parë deri në të pestën si dhe nga 30 euro shtesë si mbështetje për materiale të tjera shkollore për nxënësit nga klasa e gjashtë deri në të nëntën.

Postimi i plotë i Nagavcit:

Të dashur prindër,

Nga nesër mund të aplikoni për subvencionimin e teksteve shkollore. Mjetet do të dalin në xhirollogaritë tuaja që nga fillimi i javës së ardhshme.

Do të ndahen 80 euro për nxënësit nga klasa 1 deri në klasën e 5 për blerjen e teksteve dhe materialeve mësimore.

Po ashtu, për herë të parë për nxënësit nga klasa 6 deri në klasën e 9 të cilët tashmë i kanë të siguruara tekstet mësimore, do të ndahen 30 euro si mbështetje për materiale të tjera shkollore.

Platforma e aplikimit bashkë me instruksionet do të publikohet nesër. Çmimet e teksteve do të publikohen nga shtëpitë botuese ku lista e teksteve të përzgjedhura nga aktivet profesionale tashmë është e gatshme andaj, ftojmë të gjithë prindërit të konsultohen me mësimdhënësit se cilat tekste duhet t’i blejnë.

Suksese dhe qoftë vit i mbarë për fëmijët tanë!

Më Shumë

Arrestohet një person në Malishevë, i gjendet një pushkë gjuetie me dy fishekë

Është arrestuar një person në Vërmicë të Malishevës, pasi tek i njëjti është gjetur dhe sekuestruar një pushkë gjuetie me dy fishekë. Policia ka bërë...

Sot publikohen të dhënat e para të regjistrimit të popullsisë

Agjencia e Statistikave të Kosovës sot do të publikojë të dhënat paraprake të regjistrimit të popullsisë, ekonomive familjare dhe banesave. Në ngjarjen që pritet të...

Lajmet e Fundit