Komuna e Malishevës dhe Agjencioni Tatimor i Kosovës (ATK), kanë marrë një aksion për mbylljen e lokaleve të lojrave të fatit.
Gjatë këtij aksioni kanë mbyllur 12 lokale afariste, në territorin e komunës së Malishevës, që kanë zhvilluar aktivitete të lojërave të fatit, të cilat nuk kanë respektuar ligjin në fuqi lidhur me lojërat e fatit.
Më saktësisht, këto lokale, nuk kanë respektuar largësinë nga institucionet publike, e paraparë me ligj, e cila duhet të jetë, me një rreze veprimi prej 500 metra.
Drejtori i Drejtorisë së Inspektoratit në Malishevë, Sejdi Paçarizi, tha se “ky aksion është zhvilluar nga ATK-ja, e cila është përgjegjëse për lojërat e fatit, ndërsa inspektorët komunal, kanë asistuar gjatë këtij aksioni dhe i kanë ndihmuar zyrtarët e ATK-së”./PrizrenPress.com/
