*Në stilin popullor
Herë e di herë nuk e di
s’më duket e më duket
të dua për besë të dua
edhe dje zura në thua
kur të pash te lumi
të rash pas e s’të zura
qe rreze shumë e fortë
m’i plasi syrit pëlhura
mendtë tash më mirren
për ty midis kësaj vape
mes turmës së pazarit
pse për dore më kape
herë e di herë s’e di
turbull të shoh e kthjelltë
një ditë edhe moj përditë
kush pret edhe ndoj ditë
Skender Berisha
25 korrik 2013,Prizren