22.8 C
Prizren
E enjte, 18 Korrik, 2024

Mërgata kosovare – e treta në botë për dërgimin e parave në vendin e origjinës

Diaspora kosovare renditet e treta në botë sa i përket dërgimit të parave në vendin e origjinës, për vitin 2021.

Bazuar në vlerësimet e përmbledhjes së Bankës Botërore për Migrim dhe Zhvillim, niveli i remitancave ka qenë 16.7 për qind e prodhimit të brendshëm bruto (GDP).

Sipas tabelës së Bankës Qendrore, nga periudha janar – gusht gjithsejtë 860.4 milionë është vlera e dërgesave nga jashtë vendit për në Kosovë.

Grafika, Kosova renditet në vendin e tretë

Në anën tjetër, përmbledhja e Bankës Botërore për Migrimin dhe Zhvillimin thotë se remitancat drejt vendeve me të hyra të ulëta dhe të mesme pritet të jenë rritur për 7.1 për qind, duke kapur vlerën prej 587 miliardë dollarë amerikanë në vitin 2021.

Po ashtu, ardhja e mërgatës në Kosovë ka kontribuar në rritjen ekonomike të saj për vitin 2021. Deri në fund të këtij viti rritja e konsumit do të jetë 7.1 për qind për dallim nga viti i kaluar që ishte 5.3 për qind.

“Brenda kësaj periudhe, në Kosovë janë dërguar 749.7 milionë euro, kurse një vit më herët kjo vlerë ishte 608.5 milionë euro”.

Kështu thuhet në raportin “konkurrenca dhe rimëkëmbja pas pandemisë COVID-19”, të prezantuar nga Banka Botërore.

“Aktiviteti ekonomik në vitin 2021 pritet të zgjerohet me 7.1 për qind kundrejt një rikthimi të mërgatës. Modeli i rritjes së Kosovës është kryesisht i bazuar në konsum, me një mbështetje të konsiderueshme nga mërgata”, thuhet raport.

Sipas këtij raporti, rritja parashikohet të mbetet mbi katër për qind në periudhën afatmesme.

“Ruajtja e shkallës së përshpejtuar të vaksinimeve është një përparësi në afatin e afërt. Në planin afatmesëm, Kosova duhet të kalojë në një mënyrë rritjeje më të orientuar drejt produktivitetit”, vijon raporti.

/Albanianpost.com

Më Shumë

Atentat ndaj Donald Trump

Kandidati për president i SHBA-së Donald Trump ishte duke mbajtur një fjalim para popullit amerikan në Pensilvania ku papritur u dëgjuan të shtëna me...

Latifi pret në takim përfaqësuesit e KQZ-së, diskutojnë për zgjedhjet qendrore e komunale

Kryetari i Komunës së Rahovecit, Smajl Latifi, ka pritur në takim përfaqësuesit e Komisionit Qendror Zgjedhor, Burim Ahmetaj, Ibrahim Selmanaj dhe Arjanit Elshani. Ai ka...

Lajmet e Fundit