Lionel Messi do të qëndrojë te Paris Saint-Germaini. Mediat spanjolle kanë raportuar se ylli argjentinas mund të largohet nga Parisi pasi nuk është i lumtur te klubi francez.
Por 34-vjeçari që u transferua gjatë verës së shkuar nga Barcelona është i bindur se do të mbetet te PSG-ja.
Messi ka pasur probleme të shumta me lëndime që prej transferimit te PSG-ja duke mos arritur të japë më të mirën.
Por përkundër kësaj shtatë herë fituesi i “Topit të Artë” beson se do të arrijë ta ndihmojë skuadrën drejt trofeve këtë edicion.
Messi ka kontratë me PSG-në deri në vitin 2023 me mundësi vazhdimi.