Josep Maria Minguella, njeriu që intervenoi 20 vite më parë në transferimin e Lionel Messit te Barcelona është i sigurt se tashmë ka bërë hapa para në karrierën e tij.
Në një intervistë për Cadena Cope, ai është i bindur se destinacioni i radhës për argjentinasin do të jetë Italia dhe jo Anglia.
“Për mua, Messi tashmë ka një skuadër: Interin”, ka thënë ish-agjenti dhe kandidati për president të Barcelonës.
“Në Itali, lojtarët paguajnë më pak taksa, shembulli është tek Cristiano Ronaldo. Është e vështirë për mua ta shoh atë në Angli”.
“Nuk ka rëndësi se sa shokë janë me Agueron apo Guardiolan, ai do të shkojë në Itali”, ka shtuar më tej Minguella.
Messi tashmë i ka dërguar faksin Barcelonë se dëshiron të largohet dhe Interi besohet se kryeson garën për transferimin e gjashtë herë fituesit të Topit të Artë. /Telegrafi/