Sekretari i Lëvizjes Vetëvendosje, Dardan Molliqaj, ka thënë se është gabim i LDK’së dhe AAK’së që po vrapojnë pas pozitës së Kryeministrit.
Sipas tij, me këto veprime, LDK dhe AAK po i ngjanë PDK’së.
“Marrëveshja për ndarjen e posteve ishte e ngutshme, e hershme dhe e parakohshme. Së pari është dashur të merremi vesh për parime”, ka thënë Molliqaj, për Klan Kosova.
“Gara se kush me qenë i pari po i ngjanë PDK’së”, ka shtuar ai.
Molliqaj ka thënë se nuk do të prishet koalicioni për pozitën e Kryeministrit.
Sidoqoftë, ai ka bërë thirrje që të thirret seanca dhe të konstituohet Kuvendi.