Juventusi ka konfirmuar se Alvaro Morata është duke iu nënshtruar testeve mjekësore në J|Medical.
Sulmuesi spanjoll do të transferohet në Torino në formë huazimi nga Atletico Madrid duke paguar fillimisht tarifën me vlerë 10 milionë euro.
Në rast se Juventusi do të shfrytëzojë opsionin për të blerë kartonin e Moratës atëherë sezonin e ardhshëm do të derdhë në arkat e Atleticos plot 45 milionë euro. Kjo është hera e dytë që Morata vjen te kampioni i Serie A, ku ka luajtur gjatë viteve 2014-2016 në formë huazimi nga Real Madridi.
