LDK-ja ka mbajtur një tubim zgjedhor me banorët e lagjes “Dardani” dhe të fshatit Gërnqare. Në lagjen “Dardania “ nënkryetari i Degës së LDK-së Hanefi Muharremi, i shoqëruar nga kandidatët e LDK-së për Asamblenë komunale, ka paraqitur vizionin e LDK-së për udhëheqjen e Prizrenit në katër vitet e ardhshme.
Muharremi tha se qeveria lokale duhet të ketë konsideratë për këtë lagje të mrekullueshme .“Problemi më i madh në këtë lagje është se nuk ka ujë, sepse pushteti aktual nuk ka pasur kohë që të merret me këtë problem të kësaj lagjeje”, tha Muharremi.
Sipas tij, pushteti komunal fare nuk ka punuar në këtë drejtim. ‘Ky pushtet që është në ikje ka pas hallet e veta qysh me i mbush xhepat e veta, qysh me përfitu prej tenderëve të caktuar. Tash qytetarët e Prizrenit janë të vetëdisjhëm se çfare qeverie kemi pasur në gjashtë vitet e kaluara. Këto gjashtë vite kanë qenë gjashtë vite të keqqeverisjes, të korrupsionit, të problemeve të cilat në fund të të cilave kryetari përfundon me aktakuzë në prokurori”, tha Muharremi.
Sipas tij, është disponim I qytetarëve që të fitojë LDK-ja. “Ne si Lidhje Demokratuike e Kosovës e kemi projektin për funizimin me ujë të Prizrenit 24 orë pa ndërprerje. E kemi projektin e gatshëm që kjo pjesë e qytetit të ketë ujë 24 orë”.
Hanifi Muharremi votën për LDK-në e ka kërkuar edhe në fshatin Gërnqar. Ai në këtë fshat premtoi realizimin e projekteve për përmirësimin e infrastructures. “Ky bështë problmei më i madh sot për banorët e këtij fshati” , tha Muharremi./PrizrenPress.com/