Kryetari i Prizrenit, Ramadan Muja, ka dal sot në punë. Shefi i Protokollit të Kabinetit të Mujës, Samir Hoxha, konfirmoi se kryetari Muja, në mëngjes ka dalë në vendin e tij të punës në “Shtëpinë e Bardhë”.
“Po , kryetari sot ka dalë në punë”, tha Hoxha për “PrizrenPress”. Ai tha se kryetari Muja po sot do ta mbajë edhe një takim me drejtorët e Ekzekutivit. “Është planifikuar të mbahet një takim me drejtorët e Ekzekutivit dhe pas këtij takimi do të dalim me një komunikatë për media”, tha Hoxha.
Ministria e Administrimit të Pushtetit Lokal, ndërkaq i ka kthyer përgjigje kryetarit të Prizrenit, Ramadan Muja, duke e vlerësuar vendimin e tij për vetë pezullim të detyrës si shkelje ligji. Në opinionin e dhënë nga kjo ministri thuhet se “Pezullimi i aktiviteteve të kryetarit të Komunës së Prizrenit nuk është paraparë me Ligjin për Vetëqeverisje Lokale dhe i njëjti veprim nuk prodhon efekt juridik.. Ndër të tjera në këtë vendim thuhet se në rast se kryetari i Komunës së Prizrenit nuk paraqitet në punë më shumë se 1 muaj pa arsye, atëherë e përfundon mandatin e kryetarit të Komunës, ashtu siç është përcaktuar në nenin 56.3 e Ligjit për Vetëqeverisje Lokale. /PrizrenPress.com/