Kandidati i PDK-së Ramadan Muja, ka falënderuar kryetarin e partisë së tij, Hashim Thaçin për besimin dhe rikandidimin për kryetar të Prizrenit. “Falënderoj shefin e PDK-së, Hashim Thaçin dhe Kryesinë që më kanë besuar, që unë të jem edhe një herë kandidat për kryetar të Prizrenit. Këtë nuk e marr si privilegj, por si përgjegjësi të madhe”, tha Muja për TV Besa.
Ramadan Muja është nominuar për të tretën herë kandidat i PDK-së për kryetar të Prizrenit. Kryesia e re e PDK-së në Prizren, pat propozuar katër emra për kryetar të Prizrenit, Ramadan Mujën, Nait Hasanin, Nijazi Kryeziun dhe Veton Firzin. Ndërkaq, Muja është nominuar pak minuta para mbylljes së afatit kohorë të aplikimit në KQZ.
Kandidati Muja është i bindur se në zgjedhjet e nëntorit do të fitojë edhe mandatin e tretë për kryetar të Komunës. “Shpresojë në fitore të plotë dhe falenderoj të githa strukturat e PDK-së ,që edhe njëherë tani për të tretën herë më kanë kandiduar për kryetar të Prizrenit.Punët që i kemi bërë deri më tash do t’i detyrojnë qytetarët që të votojnë për PDK –në dhe për mua si kryetar”, tha Muja./PrizrenPress.com/