Për njohësin e çështjeve politike në vend, Imer Mushkolaj kundërshtimi i zv.Kryeministrit dhe Ministrit të Punëve të Jashtme, Hashim Thaçi për zgjedhje President nga disa nëndegë të LDK-së, mund të jetë i organizuar nga vetë LDK-ja.
Në një prononcim për Gazeta Blic analisit Mushkolaj, e ka komentuar kundërshtimin e Thaçit për President të Kosovës, nga disa nëndegë të LDK-së, duke mos e hedhur poshtë mundësinë se kundërshtimi mund të vije edhe nga njerëzit që besojnë në një LDK, tjetër, raporton gazetablic.com
“Mund të jenë edhe të organizuara, nga vetë LDK, por më parë janë organizim i njerëzve që vërtet besojnë në një LDK çfarë do të duhej të ishte, njerëzve që besojnë në një LDK që nuk duhet ta bëjë Hashim Thaçin prsident – që besojnë në një LDK të vërtetë, e jo në një LDK patericë të Thaçit dhe parti interesash të ngushta të një grupi të caktuar individësh”, ka thënë Mushkola.
Në media, është raportuar se kandidimi i Thaçit, për President mund të ndodhë para datës së protestës së paralajmëruar nga blloku opozitarë, e cila pritet të ndodhë me 17 shkurt, pikërisht në datën e shpalljes së pavarësisë së Kosovës, për dorëheqjen e Qeverisë si dhe anulimin e dy marrëveshjeve. Përveç nëndegëve të LDK-së, kundër Thaçit President janë deklaruar edhe disa deputetë të LDK-së, parti kjo në koalicion me PDK-në.