Lideri i Vetëvendosje!-s, Visar Ymeri, duke iu referuar 100 ditëve të para të Qeverisë së drejtuar nga Isa Mustafa, ka thënë se edhe kjo Qeveri është vazhdimësi e ekzekutiveve të kaluara.
Ai gjatë një konference për media ka thënë se Mustafa ka treguar se nuk është i aftë për të qeverisur me vendin.
Ndërsa, deputetja e kësaj lëvizje, Albulena Haxhiu, ka deklaruar se 100 ditshi i kësaj Qeverie, tregon se Mustafa është duke shkuar hapave të Thaçi.
Ajo ka bërë me dije se së bashku me AAK-në dhe Nismën e kanë dorëzuar në Kuvend një mocion për vlerësimin e punës të qeverisë Mustafa.