Pas pjesëmarrjes në Konferencën e Munihut për Siguri, kryeministri i Kosovës, Isa Mustafa, po qëndron për vizitë në Bruksel.
Gjatë vizitës në Bruksel, kryeministri Isa Mustafa, do të takohet me Përfaqësuesen e Lartë të BE-së për Punë të Jashtme dhe Politika të Sigurisë, Federica Mogherini, në kuadër të dialogut të lehtësuar nga BE-ja për normalizimin e raporteve ndërmjet Republikës së Kosovës dhe Republikës së Serbisë.
“Për rezultatet e takimit, kryeministri Mustafa, pas kthimit në Kosovë, do ta informojë Kuvendin e Republikës së Kosovës”, është thënë në njoftimin e Qeverisë.
Kryeministri Mustafa, gjatë qëndrimit në Bruksel, po ashtu do të zhvillojë takime të nivelit të lartë me përfaqësues të tjerë të Bashkimit Evropian si dhe të NATO-s.