Kryeministri Isa Mustafa në takimin që sot ka pasur me drejtorin për Ballkanin Perëndimor në Drejtorinë e Përgjithshme për Fqinjësi dhe Negociata të Zgjerimit në Komisionin Evropian, Jean Eric Paquet, ka konfirmuar përkushtimin e Qeverisë së Kosovës për avancimin e agjendës integruese evropiane.
Mustafa dhe Paquet kanë biseduar edhe për bashkëpunimin ndërmjet Kosovës dhe BE-së, përkrahjen e projekteve dhe programit të Qeverisë në proceset integruese, liberalizimin e vizave, sundimin e ligjit dhe zhvillimin ekonomik.