Koalicioni Vetëvendosje, LDK dhe Nisma, po shkon drejt çarjes në Prizren.
Mospajtimet e tyre kanë dal në pah në seancën e sotme të Kuvendit Komunal.
Anulimi i konkursit për drejtorë të shkollave dhe votimi i Draft Kornizës Afatmesme Buxhetore Komunale, e ka përqarë keq këtë koalicion qeverisës.
Kryetari i Komunës, Mytaher Haskuka, ka njoftuar në mëngjes në rrejtin social “Facebook”, se ka anuluar konkursin për drejtorë të shkollave.
Ky vendim i Haskukës ka “rebeluar” Nismën, e cila drejton Drejtorin e Arsimit në Prizren.
Kuvendari i Nismës, Pranverim Berisha, anulimin e konkursit për drejtorë të shkollave, e ka quajtur “veprim adoleshent”, shkruan “PrizrenPress”
“Dëshirojmë të dimë nga Vetëvendosje se cili është qëndrimi i tyre për këtë vendim adoleshent të Haskukës?”, pyeti Berisha.
“Vetëvendosje nuk ka mbajtur mbledhje për këtë cështje,prandaj nuk kemi qëndrim. Ne sot u njoftuam për anulimin “, është përgjigjur kryetari i VV-së, Artan Abrashi, njëherësh kryesues i Kuvendit Komunal në Prizren.
Drejtori i Arsimit, Skënder Susuri, ndërkaq tha se nuk është njoftuar për anulimin e konkursit nga kryetari Haskuka.
Ai tha se procesi i konkursit ka shkuar në rregull.
“ Do të bisedoj me Haskukën dhe varësisht nga qëndrimi i tij, do të marrë vendim edhe për të ardhëm time, sepse Skënder Susuri nuk është i lidhur me Drejtorinë e Arsimit”, tha ai,transmeton “PrizrenPress’.
Koalicioni është përplasur edhe për Draft Kornizën Afatmesme të Buxhetit.
Kuvendarët e Nismës kanë refuzuar votimin KAB-së.
Kuvendari i LDK-së, Haziz Hodaj tha se do të votojë me kusht të përmisimit.
Ai tha se fshati Gjonaj është lënë anash edhe nga qeveria e Haskukës.
Kuvendari tjetër i LDK-së, Xhavit Ukaj, ndërkaq ka braktisur seancën e Kuvendit të Prizrenit./PrizrenPress.com/
