Shkruan: Skender Berisha
Lumi im po flet po flet
valëzisht po flet
më tund më lëviz
si një puhizë puhizë
sa afër meje flet
sa rrëmbyer më nget
deri në det ore në det
pastaj kthem vet tepërpjetë
kam kohë a s’kam
këtu ore me ty jam
deri sonte deri mbrëmë
me gjithë këtë flamë
nata jonë dita jonë
ti rrjedh unë valë mbledh
kur shfryn mllefin tënd
e më pëshpërit me mend
nesër kemi prap kuvend…
28 prill 2015,Prizren