?Bazuar në rregulloren për ndarjen e çmimeve vjetore për teatër Ministria e Kulturës, do të nderojë me çmime vjetore përfaqësuesit e jetës teatrore që kanë treguar suksese në punën e tyre dhe që kanë dhënë kontribut në avancimin e jetës kulturore në vend.
Në Ditën Botërore të Teatrit, Ministri Memli Krasniqi do të ndajë Çmimin Kombëtar për Vepër Jetësore në fushën e teatrit dhe Çmimet vjetore për teatër për vitin 2013.
Ceremonia e ndarjes së çmimeve do të organizohet në Ministrinë e Kulturës, Rinisë dhe Sportit prej orës 12:00.
Sipas njoftimit të ministrisë së Kulturës, çmimet jepen në kategorinë për Shfaqjen më të mirë, Regjinë më të mirë, Aktorin/Aktoren më të mirë dhe çmimin për prezantimin më të suksesshëm ndërkombëtar.
Bazuar në Rregulloren për ndarjen e çmimeve vjetore për teatër, Çmimi Kombëtar për Vepër Jetësore ka vlerë financiare 5 mijë euro, ndërkaq kategoritë tjera shpërblehen me nga 2 mijë e 500 euro