12.4 C
Prizren
E mërkurë, 7 Maj, 2025

Në Afganistan janë vrarë dhjetëra talibanë

Një zyrtar i sigurisë së Afganistanit thotë se 83 talibanë janë vrarë mbrëmë vonë, gjatë një operacioni të forcave të inteligjencës në provincën jugore, Kandahar.

Sultan Mohammad, shef i operacioneve ushtarake afgane në rajonin Maivand, i tha sot Radios Evropa e Lirë se dhjetëra makina dhe motoçikleta të militantëve, po ashtu, janë shkatërruar në operacion, i cili ishte mbështetur nga sulmet ajrore.

“Grupi i kryengritësve ishte mbledhur për të lansuar sulme të koordinuara kundër postblloqeve të forcave afgane në rajonet Pangjvai dhe Miavand, në provincën Kandahar”, ka thënë Mohammad.

Ai nuk ka njoftuar nëse në mesin e forcave afgane ka pasur viktima.

Talibanët nuk kanë bërë komente të menjëhershme për këtë operacion, që ka ndodhur derisa qeveria afgane, e mbështetur nga perëndimi, ka bëtë përpjekje për tu mbrojtur nga militantët, prej tërheqjes së pjesës më të madhe të trupave të NATO-s në vitin 2014.

Gjatë javëve të fundit, kryeqyteti Kabul është goditur nga disa sulme vdekjeprurëse, përfshirë një sulm masiv vetëvrasës me makinë-bombë në pjesën qendrore më 27 janar, nga i cili janë vrarë më se 100 vetë, ndërsa përgjegjësinë e patën marrë militantët talibanë.

Më Shumë

Nesër hiqen kontrollet kufitare mes Shqipërisë dhe Kosovës

Nesër rikthehet marrëveshja mes Qeverisë së Kosovës dhe asaj të Shqipërisë, e cila parashikon lehtësimin e procedurave kufitare për veturat me targa të të...

Bashkimi kërkon titullin e dytë në histori – Superfinalja nis në Prizren përballë kampiones Trepça

Superfinalja e “Play-off”-it është qershia mbi tortë e këtij edicioni të ProCredit Superligës. Në finale do të përballen Bashkimi dhe Trepça, përkatësisht vendi i...

Lajmet e Fundit