Universiteti “Ukshin Hoti” nga Prizreni në bashkëpunim me Universitetin “Hasan Prishtina” dhe Universitetin “Namik Kemal” Tekirda?-Turqi organizon ceremoninë e hapjes së punimeve të konferencës shkencore “8th Balkan Animal Science Conference Balnimalcon 2017”.
Në një lidhje direkte e cila u realizua në Prizren, i ftuar në emisionin e mëngjesit në RTK, ishte Ramë Vataj, rektor i Universitetit “Ukshin Hoti”.
Ai shpjegoi aktivitetet rreth konferencës ku ka të bëjë me botën e kafshëve, e ku do të marrin pjesë 130 studiues me mbi 200 punime. Pjesëmarrësit nga Amerika, Pakistani, Turqia, Bosnja, Kosova…
Sipas tij tematika është aktuale që ka të bëjë me ushqyeshmërinë e kafshëve, produktet e mishit, zhvillimi i blegtorisë etj. Ai tha se kanë një degë në Prizren që lidhet pikërisht me këtë temë e që është shumë e dobishme për të gjithë.
Ai tha se nga punimet do të përfitojnë shkencëtarët dhe vet departamentet e bujqësisë në vend, po ashtu edhe afirmimi i Universitetit të Prizrenit. Megjithatë sipas Vatajt nga Kosova nuk është prani e kënaqshme.