Sot me rastin e 28 nëntorit-Ditës së Flamurit në Prizren u bë vendosja e gurëthemelit të shtatores së heroit Gjergj Kastrioti-Skënderbeu.
Projekti ka kushtuar 70 mijë euro dhe do të jetë i gatshëm në muajin mars të vitit të ardhshëm.
Në ceremoninë solemne të vendosjes së këtij gurthemeli morën pjesë një numër i madh qytetarësh të Prizrenit, të prirë nga kryetari i Komunës Mytaher Haskukaj.
Ai me këtë rast tha se ky aktivitet bëhet së bashku me Trojet e Arbrit dhe se janë dakorduar që vendi ku do të vendoset shtatorja e Gjergj Kastriot-Skënderbeut të marrë emrin e kryetrimit të madh shqiptar, raporton Kosovapress përcjellë Klan Kosova.
Kryetari i Shoqatës së Intelektualëve gjithshqiptar Ndue Oroshi vendosjen e gurthemelit për heroin më të madh shqiptar të të gjitha kohërave, e ka quajtur një ditë të madhe për Prizrenin, teksa bëri të ditur se financimi i projektit do të bëhet nga Qendra Trojet e Arbrit.