Me rastin e Ditës së Flamurit, sot kryetari i Komunës së Prizrenit Mytaher Haskuka, së bashku me nënkryetarët, drejtorët, përfaqësuesit nga organet e sigurisë, asamblistët, zyrtarët komunalë dhe qytetarë të tjerë, kanë bërë homazhe te varrezat e dëshmorëve në Landovicë, në Monumentin e Lirisë tek shtatorja e Remzi Ademajt dhe shtatorja e Abdyl Frashërit, Sylejman Vokshit dhe Ymer Prizrenit në kompleksin e Lidhjes Shqiptare të Prizrenit.
Pas homazheve është bërë edhe vënia e gurthemelit të shtatores së heroit kombëtar Gjergj Kastrioti Skënderbeu, projekt ky i përbashkët mes Komunës së Prizrenit dhe shoqatës “Trojet e Arbërit”.
Me këtë rast kryetari Haskuka ka bërë të ditur se Komuna e Prizrenit ka anuluar të gjitha aktivitetet festive që ishin të parapara për këtë ditë, për shkak të tërmetit tragjik që ndodhi në Shqipëri.