Në Spitalin Regjional të Prizrenit deri në këto momente të hospitalizuar janë 89 pacientë, ku prej tyre pozitiv me Covid-19 janë 56 pacientë, ndërsa të tjerë janë në pritje të rezultatit të testit, por edhe në procedura të testimit.
Në gjendje të rënduar dhe të intubuar janë dy persona, shkruan “PrizrenPress”.
Drejtori i Spitalit Regjional të Prizrenit, Afrim Avdaj tha se janë marrë të gjitha masat për të përballuar fluksin pacientëve me COVID-19.
“Aktualisht i kemi 89 pacientë të hospitalizuar, nga këta 56 janë të konfirmuar me Covid-19 pozitiv, kurse rastet e tjera janë me shenja klinike të cilëve u janë marrë testet apo janë në pritje të marrjes së testimeve të COVID-19”, tha Avdaj.
Numri i të infektuarve me COVID-19 në Prizren ka shënuar rritje.
Dje, 57 persona kanë rezultuar pozitive.
Ndërkaq, 3 persona kanë vdekur në Spitalin e Prizrenit./PrizrenPress.com/