Në Universitetin “Ukshin Hoti” në Prizren të mërkurën është bërë promovimi i librit të radhës me titull “Bazat e menaxhimit ndërkombëtar” i Prof. Dr. Artan Nimani, i cili njëherësh është edhe anëtar i Këshillit Drejtues të UPZ-së. Në një ceremoni të rastit që është organizuar kanë marr pjesë mysafirë të shumtë nga bota akademike, institucionet qendrore, FSK, Policia, etj..
Në fjalën tij para të pranishmëve, Prof. Dr. Ramë Vataj, rektor i UPZ e vlerësoi lartë punën akademike të profesor Nimanit duke theksuar se kontributi i tij në këtë fushë është mjaftë i dobishëm për studentët e kësaj lëmie në vend dhe më gjerë. Po ashtu edhe Prof. Dr. Halil Kukaj u.d. Dekan i Fakultetit Ekonomik në cilësi të redaktorit të librit dhe Prof. Dr. Sabahajdin Cena në cilësi të recensentit theksuar se Prof. Nimani ka bërë një punë të jashtëzakonshme në këtë libër duke e inkurajuar që të vazhdoj punën e tij edhe më tutje.
Prof. Nimani, autori i librit falënderoi të gjithë ata që kanë kontribuar në këtë libër në forma të ndryshme. Ai theksoi se do të vazhdoj ta japë kontributin e tij aty ku kërkohet.