Votoni për Serbinë!”, është slogani që Qeveria e Beogradit do ta përdor për t`i ftuar serbët e Kosovës që të votojnë në zgjedhjet e 3 nëntorit.
Në këtë mënyrë Beogradi mendon që t`i kundërpërgjigjet drejtpërdrejtë thirrjes së radikalëve në veri për bojkot të këtyre zgjedhjeve, shkruan “Tribuna”.
Slogani është zbuluar të dielën në takimin e delegacioneve nga Kosova e Serbia në kuadër të dialogut. Në takimin që ka qenë i nivelit të kryeministrave, Beogradi ka prezantuar këtë slogan duke i shpjeguar edhe arsyet pse subjekti i përbashkët politik i serbëve duhet të certifikohet në KQZ me emrin aktual “Iniciativa e qytetarëve Serbia”.