Nënkryetari i PDK-së, Shaqir Totaj, thotë se formimi i një qeverie teknika, do të kishte qenë zgjedhja më e mirë për Kosovën.
“Unë besoj se i kemi dy opsione, zgjedhje të parakohshme ose qeveri teknike”, ka thënë ai, për “QendraPress”.
“Zgjedhjet e parakohshme ndoshta kishin me qene zgjidhje ma korrekte, por qeveria teknike kalimtare deri në zgjedhje është zgjidhje praktike/pragmatike”.
“Për shkak se jemi në pandemi nuk kisha thanë të shkojmë në zgjedhje”.
Qeveria e Kurtit është në prag të shkarkimit, pas prishjes me partnerin e koalicionit, LDK-në.
Lideri i LDK-së, Isa Mustafa, ka zhvilluar takime me partitë opozitare për t’u koordinuar rreth mocionit të mosbesimit të qeverisë së kryeministrit, Albin Kurti.
Ndërkaq, Totaj, i cili është edhe kryetar i PDK-së në Prizren, thotë se kryeministri Kurti ka dëshmuar se nuk ka qenë i gatshëm të përballet me sfida.
“Në fakt në esencë ka të bëj me mos gatishmërinë e kryeministrit për t’i adresuar sfidat jo të lehta që na presin në mënyrën më të mirë të mundshme ,e që kanë të bëjnë me përmbylljen e procesit te ndërtimit të shtetësisë së Kosovës”, shprehet ai./PrizrenPress.com/