Kosova tash e tutje do të ketë një Mamograf Mobil për kancerin e gjirit i cili do t’i dorëzohet Ministrisë së Shëndetësisë me 31 tetor në ditën e Marshit kundër kancerit të gjirit. Ky mamograf me 31 tetor do jetë i mbështjellë me dizajn që tregon se çka është.
Teuta Sahatqija nga Lidhja Demokratike e Kosovës (LDK) nëpërmjet rrjetit social Facebook ka njoftuar se është kryer edhe mbështjellja e tij me dizajnin që është donacion nga ofertuesi, nën kujdesin e KCSF-së, ndërsa dizajni, thotë se është donacion nga OSBE.
Kështu me 31 tetor në ora 11:00 në Sheshin Ibrahim Rugova para Kuvendit të Kosovës Grupi i Grave Deputete, si inicuese të këtij projekti do të bëjnë dorëzimin solemn të Mamografit Mobil, Ministrisë së Shëndetësisë.
Si i lëvizshëm që është, ideja e projektit ka qenë që të dërgohet nëpër secilën Komunë, veçanërisht në zonat e thella rurale, atje ku gratë e kanë të vështirë teknikisht e edhe financiarisht të bëjnë kontrollin.
Ndryshe, kjo aparaturë e cila është blerë nëpërmes donacioneve të ndryshme, do menaxhohet ma MSH-ja por Grupi i Grave deputete do ta monitorojë punën e tij.Vlera e këtij mjeti, thuhet se kap shifrën prej 265 mijë eurosh.