10.8 C
Prizren
E premte, 30 Shtator, 2022

“Ngjallën” të vdekurit për votime

Lista e votuesveKanë ndërruar jetë vite më parë, por emri i tyre ekziston akoma në listën e zgjedhësve. Ferat Zhdrella, Osman Gajtani, Ajmone Hysenaj e Petrit Sherifi, tashmë të ndjerë, janë vetëm disa nga emrat të cilët figurojnë në ueb-faqen e Komisionit Qendror të Zgjedhjeve.

Familjarët e tyre, ndonëse në shtëpi i kanë certifikatat e vdekjeve të të afërmve, emri i tyre nuk është fshirë. Kjo tregon më së miri se KQZ-ja nuk ia ka dalë që t’i pastrojë tërësisht listat e zgjedhjeve, emrat e personave të cilët kanë vdekur. Ky institucion është arsyetuar se mund të ketë lëshime në disa raste, por shumica e listave tashmë janë pastruar derisa thonë se listat janë të përpiluara nga regjistri civil.

Sipas KQZ-së, ndodh që çdo ditë të vdesin njerëz dhe të shtohet numri i atyre që mbushin 18 vjet dhe nga kjo situatë mund të ikë ndonjë emër, raporton KTV.

Një situatë e tillë ngre shqetësime për partitë opozitare, të cilat frikësohen se mund të përsëritet ngjarja e zgjedhjeve të kaluara, duke u manipuluar me votat e votuesve.

LDK-ja vlerëson se KQZ-ja ka arritur të heqë nga lista 30 mijë emra, megjithatë lista mund të mos jetë e pastruar tërësisht. Lëvizja e Albin Kurtit, Vetëvendosje, kujton marrëveshjen trepalëshe Thaçi-Mustafa-Pacolli, sipas së cilës ekskluzivisht do të merreshin me zgjidhjen e problemeve të procesit zgjedhor, por kjo nuk ka ndodhur, thotë VV-ja. Ndërkaq, AAK-ja frikësohet se kur po afrohen zgjedhjet lokale të 3 nëntorit, mospastrimi i listave do të lë hapësirë për manipulim të votave.

Më Shumë

Hemingway dhe raporti i tij me fëmijët

Nga: Terry McDonell Në foto, Ernest Hemingway hedh një kanaçe në ajër në një rrugë fshati të mbuluar me borë, me një lëvizje të këndshme...

Rama: Shqipëria nuk ndalet së luftuari për pastërtinë e luftës së UÇK-së

Kryeministri i Shqipërisë, Edi Rama, ka shkëputur një pjesë të fjalimit që e ka mbajtur në OKB që ka të bëj me Kosovën dhe...

E diela me diell

Lajmet e Fundit