Me rastin e vdekjes së anëtarit të Kryesisë së Lidhjes Demokratike të Kosovës, Dega në Prizren,të ndjerit Sefer Rexhaj, Dega e LDK-së në Prizren dhe nëndega e këtij subjekti politik në Korishë, sot në selinë e këtij subjekti politik kanë organizuar pritje për ngushëllime.Qytetarë të shumtë me këtë rast kanë ngushëlluar drejtuesit e LDK-së , me rastin e ndarjes nga jeta të zyrtarit të lartë të kësaj partie.
Agim Muçaj, anëtar i Kryesisë së Degës dhe njëkohësisht kryetar i nëndegës së LDK-së në Korishë, tha se ne si subjekt politik së bashku me familjarët , bashkëfshatarët dhe zyrtarë të partisë jemi përkujdesur që varrimi i të ndjerit dhe organizimi i sotëm të shkojë në mënyrë dinjitoze, sepse i ndjeri me veprimtarinë e tij e ka merituar një gjë të tillë. Zyrtari Muçaj, tha më tej, se ndarja nga jeta e Sefer Rexhajt, është një humbje e thellë jo vetëm për familjen, por edhe për bashkëpunëtorët dhe LDK-në, sepse vijoi ai, kemi humbur një njeri që me vepra konkrete në shërbim të interesave shoqërore dhe kombëtare, asgjë nuk ka kursyer nga vetja e tij.
I ndjeri Sefer Rexhaj, kishte ndërruar jetë në moshën 52. vjeçare në Spitalin e Shkupit, pas një sëmundje të shkurtër, ndërsa ceremonia e varrimit në vendlindjen tij në fshatin Korishë, ishte bërë ditën e hënë…/TV Prizreni/