Nisma për Kosovën në Suharekë, ka akuzuar kryetarin e Komunës, Sali Asllanaj për ikjen e investitorëve
“Largimet apo ikjet e investitorëve të mundshëm në këtë kohë të rënda ekonomike dhe sociale në Kosovë dhe në veçanti në komunën tonë, bëjnë që zhgënjimi dhe dëshpërimi i qytetarëve tanë të jetë shumë i lartë”, thuhet në reagimin e Nismës në Suharekë.
“Tani, ne flasim e akuzojmë, ndërsa qytetari i rëndom, që me të drejtë mund të ketë shpresuar për një punësim apo qasje më të mirë dhe më të lehtë në shërbime të ndryshme, qofshin ato mjekësore apo të tjera, ndihet jashtëzakonisht i dëshpëruar dhe i zhgënjyer me këtë politikë tejet të papërgjegjshme të pushtetarëve, në këtë rast, të komunës sonë”.
“NISMA, si parti opozitare, e ndjen këtë zhgënjim së bashku me të gjithë qytetarët e Komunës së Suharekës, dhe gjithashtu kërkon përgjegjësi, jo vetëm për këtë ikje të këtij investitori potencial por, gjithashtu kërkon përgjegjësi edhe për mostransparencë ndaj publikut kur kemi të bëjmë me këso raste me rëndësi vitale për ekonominë dhe mirëqenien e qytetarëve tanë”/TherandaPost/