NISMA për Kosovën, edhe sot ka vazhduar me mbajtjen e kuvendeve zgjedhore nëpër degët e saj.
NISMA për Kosovën, sot ka mbajtur Kuvendin Zgjedhor në Malishevë, ku janë zgjedhur organet drejtuese të degës, Këshilli i degës, delegatët për Kuvend Qendror të NISMA’s dhe kryesinë e degës. Kryetar i NISMA për Kosovën në Malishevë u zgjodh, Ragip Begaj.
Delegatëve të NISMA’s në Malishevë, me nga një fjalë rasti u janë drejtuar, kryetari i Këshillit Kombëtar të NISMA për Kosovën, Jakup Krasniqi, shefja e GP NISMA, Valdete Bajrami, deputetët e NISMA’s, Zafir Berisha, Enver Hoti, dhe kryetari i NISMA’s në Malishevë, njëherit kryetari i komunës së Malishevës, Ragip Begaj.
Kryetari i Këshillit Kombëtar të NISMA për Kosovën, Jakup Krasniqi, dhe folësit tjerë në këtë Kuvend, para delegatëve garantuan mbështetje të fuqishme për strukturat e NISMA’s në Malishevë, me qëllimin më të mirë që Malisheva të vazhdojë të qeveriset nga njerëz të përkushtuar, siç është duke u qeverisur tani nga NISMA për Kosovën.
Kryetari i sapo zgjedhur, Ragip Begaj, falënderoj të gjithë për besimin e dhënë. Begaj tha se, sa është privilegjë është edhe përgjegjësi, andaj kështu të bashkuar të punojmë për të mirën e qytetarëve dhe për të mirën e Malishevës në përgjithësi./PrizrenPress.com/